Запорожье өлкәһендә «Зарница 2.0» уйынын ойоштороусыларҙың береһе Өфөнән яугир

«Уҡытыусы» үҙенең ялын урындағы уҡыусылар менән эшләүгә беренсе тапҡыр ғына бағышламай: баскетболсыларҙы өйрәтә, Батырлыҡ дәрестәре үткәрә, Башҡортостандың уҡыу йорттары менән телекүперҙәр ойоштора.

 

Үҙеңә һәм иптәшеңә нисек жгут һалырға, яралы янына нисек шыуышып барырға, зыян күреүселәрҙе нисек эвакуацияларға, «ҡош» һинең өҫтөңдә эленеп торһа, нисек эш итергә? Дошман көн һайын өлкәнең тораҡ пункттарына пилотһыҙ осоу аппараттары менән һөжүм итә. Шуға күрә иҫәп минуттарға, ҡайһы берҙә секундтарға барған осраҡта бала ла аныҡ эш итеү алгоритмына эйә булырға тейеш.

 

«Һин уға яҡынлашҡанда, ҡара, күк йөҙө тынысмы?»,- тип иҫкә төшөрә уҡыусыларға Башҡортостан яугиры.

 

Башҡортостандан хәрби хеҙмәткәр балалар өсөн тәүге медицина ярҙамы буйынса практик дәрес үткәрҙе. Һәр ҡатнашыусы яралы ролендә лә, уны ҡотҡарыусы иптәше ролендә лә мөһим күнекмәләр эшләй. Малайҙар жгуттың турникеттан нимә менән айырылып тороуын, йәй һәм ҡыш жгутты күпме тотоу кәрәклеген, фиксация туры нимә икәнен, яралыларҙы нисек дөрөҫ итеп таҡтаға һалырға кәрәклеген һәм башҡа күп нәмәләр белде.

 

- «Зарница 2.0» бөгөн бигерәк тә көнүҙәк. Быны балалар ҙа аңлай. Ләкин беренсе ярҙам күрһәтеү нигеҙҙәрен һәм дрондар менән идара итә белеү уларға тыныс тормошта ла кәрәк, – ти «Уҡытыусы».