«Алмаз» позывнойлы яугир: Турбаслы егете пилотһыҙ авиацияла

Хәҙер Алмаз Хәлиуллин - рота командиры урынбаҫары. Позывнойы - Алмаз. Көслө. Ышаныслы. Уға таянырға була.

 2024 йылда Алмаз пилотһыҙ авиация полкына күсерелә. Ваҡыт яңы һуғыш ҡағиҙәләрен индерә, һәм бында, күктә, бөгөн күп операцияларҙың һөҙөмтәһе хәл ителә. Беҙҙең дрондар маневрлыраҡ, ти ул һаран ғына, әммә ғорурлыҡ менә. Йөктө тап тейешле нөктәһенә алып барып еткерә ала. Пехота күҙҙәре була ала. Һаҡлай. Иҫкәртә.

 - Бөгөн пилотһыҙ аппараттар - ул техника ғына түгел, ҡотҡарылған ғүмерҙәр, – тип аңлата Алмаз. - Ваҡытында күрергә, ваҡытында тапшырырға, ваҡытында һөжүм итергә. Йәки киреһенсә - үҙенекеләрҙе һөжүмдән алып сығыу.

Уның ҡул аҫтында - яугирҙар. Төрлөһө: йәше һәм яуҙарҙы үткәне, ҡыҙыуҙары һәм арығанлары. Алмаз бөтә нәмә өсөн дә - кейем-һалым, һуғыш комплекттары, көнкүреш өсөн дә яуаплы. Һәм бойороҡтар менән генә үлсәнмәгәне - әхлаҡи рух өсөн.

- Күңел төшөнкөлөгөнә бирелеүҙең мәғәнәһе юҡ, - ти ул ҡаты итеп. - Бурыс бар. Уны үтәргә кәрәк.

Шул уҡ ваҡытта һәр кемдә ҡурҡыу барлығын таный. Һәр кемдең үҙ кимәле. Кемдер аҙыраҡ, кемдер күберәк ҡурҡа. Уның эше – бының менән көрәшергә ярҙам итеү. Сөнки ул үҙе уның аша үткән. Сөнки алыштар араһындағы тәнәфестәрҙә бяугирҙарҙың нимә тураһында өндәшмәүен белә.

Бөгөн йәштәргә ставка яһала. Улар яңылыҡты, техниканы еңел үҙләштерә. Уларға кәрәкле белемде биреп, эшкә дөрөҫ ҡараш булдырырға мөмкин.

– Эшебеҙҙә иң мөһиме - белем, - тип һыҙыҡ өҫтөнә ала ул. - Хаталарға юл ҡуймаҫ өсөн. Һәм һәр ваҡыт уҡырға, сөнки һуғыш заманаға ярашлы бара. Технологиялар бер урында тормай. Туҡтаған кеше артта ҡала. Ә бында артта ҡалыу ғүмергә хәүеф менән янай.

Сираттағы отпусктан һуң Алмаз хеҙмәт урынына китә, ә шәхси посылканы ата-әсәһе сираттағы конвой менән ебәреү өсөн Иглин штабына алып килә. Урындағы «Изгелек нурҙары» штабынан ҡатын-ҡыҙҙар маскировка селтәрҙәрен тапшыра, улар бөгөн бронянан да кәм түгел. Һәм нәсихәт: Еңеү менән ҡайтырға.

- Ҡулдан-ҡулға посылка алам, - тип таный яҡташыбыҙ. - Һәм аңлайһың: унда, таҫма артында, һине көтәләр. Тыуған яҡтарҙан һәр ваҡыт хәрби сауҙала һатып алмаҫлыҡ нәмә килә, - өй йылыһы.

- Яҡташтарға рәхмәт, - ти Алмаз. - Ярҙам тоябыҙ. Был ярҙам итә. Полкта тәьмин ителеү менән тәртип, бөтә нәмә етерлек. Әммә тыуған яҡтың өй күстәнәстәре – башҡа нәмә. Был йылылыҡ күңелдәрҙә оҙаҡ һаҡлана.

- Өйҙә, отпускыла, – ти Алмаз, - тән менән ял итәһең. Ә йән менән тегендәһең. Егеттәр менән. Унда дөйөм эш. Ысын ирҙәр туғанлығы. Ни өсөн бында килгәнеңде һәм нимә эшләгәнеңде аңлайһың.

Былтыр ноябрҙә уның контрактҡа ҡул ҡуйыуына ике йыл тулды. Иптәшен һуғыш яланынан алып сыҡҡанда яралана. Реабилитация. Тиҫтәләгән һөжүмгә барыу. Һәм тиҫтәләгән егет, улар өсөн ул командир ғына түгел, ә өлкән дуҫ була. Атаһы менән әсәһе өсөн был ваҡыт – мәңгелек, һалдат өсөн – һуғыш тамуғын да, ҡотолоу хаҡын да үҙ эсенә алған тотош ғүмер.

Улына нимә аша үтергә тура килеүе тураһында әсәһе Наилә Хәлиуллина һөйләне. Уның тауышы ҡалтырана, әммә уның ғорурлығы шул тиклем ҙур, хатта әрнеүҙе лә баҫа.

«Яуҙашын алып сыҡҡанда дошман дроны һөжүм итә»

Хеҙмәтенең башында уҡ Алмаз китаптарҙа яҙылған һәм фильмдарҙа төшөрөлгән батырлыҡты эшләй. Яраланған иптәшен һуғыш яланынан алып сыға. Бер аҙ ғына ара үтергә ҡалғанда дошман дроны осоп килә.

- Алмаздың аяғы яралана. Ә мотоциклда килеп яралыны алырға тейеш булған яугир һәләк була, - тип һөйләй Наилә. - Был аяуһыҙ алышта ике кеше генә иҫән ҡала: улым һәм ул ҡотҡарған һалдат.

Иптәшен ҡотҡарғандағы батырлығы өсөн Алмаз беренсе наградаһын ала. Артабан айҙар буйына реабилитация, тиҫтәләгән хәрби заданиеларға сығыу һәм шул уҡ ваҡытта тиҫтәләгән егет өсөн ул командир ғына түгел, ә өлкән дуҫ та була. Тейеш саҡта терәк була алған һәм бәләгә тарығандарҙы ташлап ҡалдырмаған дуҫ. Һуңғыһы булыуы мөмкин булған яра алыу, шулай ҙа һынмаған рухлы яугир. Дауалана һәм яңынан сафҡа баҫа. Сөнки унда, таҫма артында, уға ышаныусылар ҡалған. Уны позывной буйынса түгел, ә хөрмәт һәм йылылыҡ менән исеме менән әйтеүселәр.

- Ул һәр ваҡыт шулай булды, - ти әсәһе. - Бала саҡтан көсһөҙҙәрҙе яҡланы, ғәҙелһеҙлеккә түҙеп торманы. Ә хәҙер... ул үҙ эшен генә башҡара. Һалдат бурысын үтәй.

Беҙ Алмаздың тиҙерәк ҡайтыуын теләйбеҙ. Туғандарына, тыныс тормошҡа, яңы бәхеткә. Һин - ысын герой. Һәм беҙ һинең менән ғорурланабыҙ.

Сығанаҡ: https://iglvesti.com

Иҫегеҙгә төшөрәбеҙ, Telegramда «Башҡортостан пилотһыҙ ғәскәрҙәре системаларында хеҙмәт итеү» чат-бот эшләй башланы. Был виртуаль ярҙамсы Рәсәй Ҡораллы көстәренең пилотһыҙ осоу аппараттары ғәскәрҙәрендә хеҙмәт итеү менән бәйле бөтә һорауҙарға яуап бирә.

Бынан тыш, контракт буйынса саҡырыуға арналған башбат.рф сайтында мәғлүмәт яңыртылды. Махсус операция зонаһында хеҙмәт итергә теләүселәр өсөн тәғәйенләнгән порталда хәҙер БПЛА ғәскәрҙәрендә хеҙмәт итеү өҫтөнлөктәре тураһында мәғлүмәттәр бар.

Пилотһыҙ ғәскәрҙәр системаларында хеҙмәт итеү өҫтөнлөктәре түбәндәгеләрҙе үҙ эсенә ала:

• Хәүефһеҙлектең юғары кимәле: БПЛА операторҙары хәрби бәйләнеш һыҙығынан алыҫ эшләй;
• Хеҙмәттең срогы көйлө: контрактты бер йылға төҙөргә мөмкин, был уңайлы вариантты һайларға һәм хеҙмәттең үҙенсәлеген баһаларға мөмкинлек бирә. Хәрби хеҙмәткәр эштән китергә йәки яңы контракт төҙөргә хоҡуҡлыҘ
• Белгеслекте һаҡлау: контракт буйынса хәрби хеҙмәткәрҙе уның ризалығынан тыш икенсе һөнәргә йәки башҡа ғәскәр төрөнә күсереп булмай;
• Тулы социаль пакет: контрактсылар ҡануниәттә ҡаралған бөтә түләүҙәрҙе, льготаларҙы һәм социаль гарантияларҙы ала.
• Студенттар өсөн махсус шарттар: юғары уҡыу йорттарында уҡыусылар контракт төҙөй, академик отпуск ала һәм хеҙмәттән һуң бюджетҡа кире ҡайта ала;
• Һөҙөмтәлелек өсөн өҫтәмә түләү: дошмандың нөктәләрен уңышлы ҡыйратҡан өсөн 50 меңдән 500 мең һумға тиклем түләү ҡаралған.

БПЛА подразделениеларында хеҙмәт итеү тураһында өҫтәмә мәғлүмәтте башбат.рф сайтында йәки 122 телефоны буйынса табырға мөмкин