Путин указы менән Башҡортостан яугиры Суворов миҙалы менән бүләкләнде

Нуриман районының Красная Горка ауылынан «Фаза» позывнойы менән билдәле хәрби хеҙмәткәр Рәсәй Федерацияһы президенты указы буйынса Суворов миҙалына лайыҡ булды.

Награда хәрби бурыстарҙы үтәү барышында күрһәткән батырлығы һәм ҡаһарманлығы өсөн тапшырыла.

Яугирҙы өйҙә ҡатыны, әсәһе, һеңлеләре, ағалары көтә. Уларҙың ярҙамы уға махсус операция бурыстарын үтәгәндә «Фаза»ға көс бирә.