Радий Хәбиров полковник Ринат Ибраһимовҡа генерал Шаймуратов орденын тапшырҙы

12 ғинуарҙа аҙналыҡ оператив кәңәшмәлә республика Башлығы Радий Хәбиров Башҡортостандан махсус хәрби операцияла ҡатнашыусы – мотоуҡсылар полкы командиры полковник Ринат Ибраһимовҡа генерал Шайморатов орденын тапшырҙы. Ул хәрби бурысын үтәгәндә күрһәткән батырлығы һәм ҡаһарманлығы өсөн юғары наградаға лайыҡ була.

Хәрби хеҙмәткәр Башҡортостан етәкселегенә рәхмәт белдерҙе.

• Фронтҡа һәм хәрбиҙәргә ярҙам иткәнегеҙ өсөн рәхмәт. Ә беҙҙең бурыс – Башҡортостан улдарын иҫән-һау ҡайтарыу, - тине Ринат Ибраһимов. - Яңы йылда бөтәһенә лә һаулыҡ һәм, иң мөһиме, баш өҫтөндәге тыныс күк йөҙөн теләйем. - Еңеү беҙҙә буласаҡ!

Офицер Радий Хәбировҡа боронғо рим ҡылысы гладиус рәүешендәге полк билдәһен бүләк итте.

- Үҙегеҙҙе һәм яугирҙарҙы һаҡлағыҙ. Граждандар тормошона ҡайтҡас, беҙҙең менән бергә республикала тыныс шарттарҙа эшләргә ваҡыт етер, – тип билдәләне Радий Хәбиров.