МХО зонаһына Башҡортостан егеттәренә гуманитар ярҙам алып барҙылар

Башҡортостан егеттәре тыуған яҡтарынан ҙур ярҙам алды. Яугирҙар янына Борай районы хакимиәтенән мобилизацион әҙерлек секторы етәксеһе Ирек Сәйетғәлиев барған.

- Егеттәр беҙҙе көтә, уларҙың ғаризалары буйынса гуманитар ярҙам әҙерләйбеҙ. Был тәү кәрәк-яраҡ әйберҙәре, туғандарынан шәхси посылкалар, йылы әйберҙәр. Мөмкин булғандың барыһына ла ярҙам итергә тырышабыҙ. Беҙҙең эш бик мөһим - берлектәге тырышлыҡ менән еңеүҙе яҡынайтабыҙ, ә өйҙәге ярҙам яугирҙар өсөн баһалап бөткөһөҙ, - тип билдәләне Сәйетғәлиев.