«Ватанды һаҡлаусылар» фонды республика филиалы иҫәбендә тороусыға - яңы протез

Юнир әйтеүенсә, протезда аяҡһыҙ йөрөүгә ҡарағанда күпкә яҡшыраҡ.

• Ябай протезда ҡыйыныраҡ булды. Быныһында үҙемде уңайлыраҡ тоям. Мотоцикл менән идара итеү еңелерәк, - тип тәьҫораттары менән уртаҡлашты МХО ветераны.

Юнир Камалетдиновҡа протездар алырға «Ватанды һаҡлаусылар» дәүләт фонды ярҙам итә. Благовещен ҡалаһында филиалдың социаль координаторы Елена Фоменко менән Юнир даими хеҙмәттәшлек итә.

• Быларҙың барыһын да фонд иҫәбенә алдым. Шылтыратыуымды көтмәйҙәр, ә үҙҙәре шылтыраталар, хәлдәрҙе белешәләр. Әгәр яңы нәмә килеп сыҡһа, улар шунда уҡ хәбәр итә, – тип асыҡлыҡ индерҙе Юнир.

Хәҙерге протездарҙы заманса ныҡлы материалдарҙан эшләйҙәр, шуға күрә ҡулланыусының әүҙемлек кимәле юғары булырға мөмкин. «Ватанды һаҡлаусылар» дәүләт фондының Башҡортостандағы филиалы етәксеһе Гөлнур Ҡолһарина билдәләүенсә, фонд эҙмә-эҙлекле рәүештә МХО ветерандарын реабилитациялауҙың комплекслы системаһын төҙөй, шул иҫәптән ампутация мәсьәләһендә лә. Был яугирҙарға әүҙем тормош лып барырға, эшләргә, спорт менән шөғөлләнергә мөмкинлек бирә.

- Башҡортостанда беҙ юғары технологиялы изделиелар менән протезлау, психологик ярҙам, протез алды диагностикаһы һәм медицина реабилитацияһы алыу, шулай уҡ протездар ҡулланырға өйрәнеү мөмкинлеге булған протез предприятиелары менән эшләйбеҙ, - тип һыҙыҡ өҫтөнә алды Гөлнур Ҡолһарина. «Мәскәү протез-ортопедия предприятиеһы» акционерҙар йәмғиәтенең «Өфө» филиалында яңы ватан һәм сит ил технологик эшләнмәләре файҙаланыла. Бөтә изделиеларҙың сифаты тейешле сертификаттар, теркәү танытмалары һәм санитар-эпидемиологик һығымталар менән раҫланған.