Республикала ауыл хужалығы ҡошсоғо экспорты бер йылда дүрттән бер өлөшкә артҡан

Был уҙған йылдың ошо уҡ осорона ҡарағанда 25 процентҡа күберәк. Агросәнәғәт комплексы продукцияһын экспортлау күләмен арттырыу «Халыҡ-ара кооперация һәм экспорт» милли проектының маҡсаты булып тора.

Таможня Союзы илдәренә ауыл хужалығы ҡоштарын төп тәьмин итеүселәр булып Бәләбәй районының «Линда» агрофирмаһы яуаплылығы сикләнгән йәмғиәте, Бүздәк районының М.Р. Ҡотошов крәҫтиән-фермер хужалығы предприятиеһы, Дүртөйлө районының «Әсән» яуаплылығы сикләнгән йәмғиәте тора.

Билдәләп үтергә кәрәк, ҡош ветеринария хеҙмәттәре һәм Россельхознадзорҙың территориаль идаралығы белгестәре контроле аҫтында тормошҡа ашырыла. Ғинуар-июль айҙарында бөтәһе 160 партия тауыҡ, ҡаҙ, өйрәк, йәш тауыҡ теркәлгән, тип хәбәр иттеләр күҙәтеү ведомствоһынан. Ауыл хужалығы ҡошсоғо Ҡаҙағстанға һәм Беларусьҡа экспортлана.